Tonga nitsidika teny anivon’ny boriborintany fahadimy ny ben’ny Tanànan’Antananarivo Renivohitra Andriantsitohaina Naina, omaly. Nijery ny zava-misy sy ny olan’ny mponina teny an-toerana izy nandritra izany. Nandritra ny fidinana ifotony, nilaza ny ben’ny Tanàna fa hiroso amin’ny asa izay laharam-pahamehana ho an’ny mponina izy. Fotoana amahany ireo olana rehetra mahazo ny mponina ihany koa. Mba hitsinjovana ny tombontsoan’ny besinimaro sy hampandrosoana ny tanàna. Tonga niresaka taminy mivantana moa ireo solontenan’ny mponina tao anatin’ny fokontany miisa 27. Nilaza izy ireo fa maro ny olana sedraina amin’izao vanim-potoana izao. Toy ny tsy fandriampahalemana, ny tsy fahampian’ny jiro manazava ny tanàna ary ny tsy fahampian’ny fotodrafitrasa eny an-toerana. Marihina fa tsy tapitra hatreo ny fitsidihana fa hitohy hatrany, hoy hatrany ny ben’ny Tanàna.
Mino (mpianatra asa)
French