Toy izao indray ny tatitra mikasika ny tsimok’aretina Covi-19 tao anatin’ny herinandro, 28 janoary hatramin’ny 03 febroary lasa teo. Nahatratra 15 ireo voatily ho nitondra ny tsimok’aretina eto amin’ny Nosy. Mitsinjara ao amin’ny faritra telo samihafa. Ahitana tranga vaovao miisa 10 ato amin’ny faritr’Analamanga. Telo ao amin’ny faritra Atsinanana. Roa avy ao amin’ny faritra Vakinankaratra. Fantatra fa nisy tranga vaovao miisa 15 hafa ihany koa. Olona miisa telo amin’ireo tafiditra ao anaty tranga manana fahasoratana. Tsy nisy ny olona matin’ny aretina raha ny tatitra voaray, omaly.
Nanomboka ny taona 2019 hatramin’izao, nahatratra hatramin’ny 67 842 ireo olona voamarina ho nitondra tsimok’aretina Covid-19. Fantatra tamin’ny alalan’ny fitiliana avokoa ny 67 153 amin’izy ireo. Tamin’ny fanaovana “scanner” andiany faharoa kosa ny 689 ambiny. Miisa 1420 ireo olona matin’ny aretina. Sitrana soamantsara avokoa ny olona miisa 66 399 tamin’izy ireo. Marihina fa maherin’ny 524 507 ny fitambaran’ny olona nanao fitiliana hatramin’izao. Manoloana ny aretina, manomboka miverina manao aro-vava sy orona avokoa ny eny anivon’ny toerana samihafa eny. Toy ny eny an-tsekoly, ny toeram-pitsaboana ary ny fitsarana.
Mino (mpianatra asa)
French