Manan-danja ny fizahantany noho izy mifandray amin’ny sehatra maro toy ny fambolena, asa tanana ary kolontsaina izay mampidi-bola sy manome asa maro samihafa ny malagasy. Sehatra stratejika izy ary laharam-pahamehana amin’ny fampandrosona ny firenana indrindra amin’ny fampahafantarana ny hakanton’ny Nosy malagasy eo amin’ny sehatra iraisam-pirenena.
Nifantoka tamin’ny fandrosoan’ny tetikasa Volobe, ny famatsiam-bola sy fampiasam-bola, ny fivoriana stratejika niarahan’ny minisitry ny Toekarena sy ny Fitantanam-bola sy ny Vondrona CGHV miaraka amin’ireo Mpiara-miombon’antoka ary ny solotenan’ny Société Financière International (SFI). Nisongadina tao anatin’izay ny fanakatonana ny vola, ny lalana mankany Volobe, ny vidin’ny famokarana sy ny faharetan’ ny tetikasa. Nifanaiky ny roa tonta fa laharam-pahamehana ny fiantraikan’ny tetikasa eo amin’ny toekarena sy ara-tsosialy.
Hentitra amin’ny fikajiana sy ny fiarovana ny tontolo iainana ireo mpikarakara ny Utop andiany faha-17 amin’ity taona ity. Harahi-maso tanteraka ny fitandroana ny rohivoara ho an’ireo mpihazakazaka anaty natiora ary omen-danja manokana ny fampiasana ny angovo azo havaozina. Toy ny isan-taona, manampy amin’ny fampahafantarana sy fampiroboroboana ny sehatry ny fizahantany ny Utop.
French