Mbola mitana ny sain’ny maro ny raharaha vono olona mahatsiravina tao Bekily ny alahady teo. Ankehitriny, voasambotra sy atao famotorana eny amin’ny biraon’ny zandarimaria ireo roa lahy sakaizan’izy roa vavy. “Voasambotra ny asabotsy teo tany Betania, fokontany sy kaominina Bekily izy roa lahy ireto.”, hoy ireo mpanao famotorana. Nambarany fa mbola niaraka tamin’ireto maty izy roa lahy iretsy ny asabotsy tolakandro, antony anenjehana azy ireo. Hatramin’izao, tsy mbola niaiky izany ireo lehilahy. Araka izany, tsy hijanona eo ny raharaha fa mbola hitohy. Tsiahivina fa hita faty natsingevan’ ny ranon’i Menarandra ny alahady tokony ho tamin’ny 11 ora izy roa vavy. Novonoina ary samy nalana avokoa ny masony. Tovovavy 17 sy 20 taona ireto maty. Fantatra fa avy any Ampanihy andrefana sy Ankaranabo, Bekily izy ireo. Namonjy tsena tao Bekily ny anton-dia saingy niafara tamin’izao habibiana nahatsiravina izao ny zava-nisy. Navelan’ireo nahavanon-doza kosa ny lelany.
Henintsoa Hani
French