Notontosaina ny herinandro lasa teo, teny amin’ny ivontoerana CNFPPSH Ampandrianomby, ny famoahana tamin’ ny fomba ofisialy ireo mpiofana nahavita fiofanana informatique bureautique sy anglais (English Piftic Courses). Indroa isan-taona ny Piftic CNFPPSH no mamoaka mpiofana ka miisa 107 ireo mpiofana notolorana diploma tamin’ ity andiany voalohan’ ny taom-piofanana 2025 – 2026 ity.
Nisongadina nandritra ny lahateny ny maha zava-dehibe ny fiofanana tahaka izao indrindra ny sehatra fanatontoloana ara-teknolojia sy ny teny vahiny. Manan-danja ny diplaoma izay tena ilaina amin’ ny fidirana anatin’ ny sehatry ny asa. Manohana rahateo ny fanjakana amin’ny alalan’ny ivontoerana CNFPPSH A sy ny Piftic CNFPPSH Ampandrianomby.
Hisokatra amin’ ny lalam-piofanana vaovao ny ivontoerana ary anisan’ny hisitraka izany ireo mpikambana eo anivon’ ny Piftic, hoy ny solontenam-panjakana ny sekretera jeneralin’ny minisiteran’ ny Fampianarana teknika sy fanofanana arakasa, Tsirahamba, nandritra ny hetsika. Hisy koa ny fanofanana ifotony hatao eny anivon’ ny fokontany manodidina (Tsarahonenanana, Ampandrianomby) ny ivontoerana. Hadihadiana ny tena filan’ny tanora hanosehana azy ireo hiditra amin’ ny fiofanana miteraka asa ary hatomboka amin’ny taom-piofanana ho avy. Hifanome tanana amin’ izany ny CNFPPSH sy ny Piftic.
Vonjy
French