Ravinala Airports : notolorana “Airport Carbon Accreditation”

Notolorana « Airport Car­bon Accreditation» (ACA), sokajy 1, ny seranam-piarama­nidina iraisam-pirenena Anta­nanarivo sy Nosy Be, tanta­nan’ny Ravinala Airports. Ny ACI Eoropa nametraka io fepetra ACA io ho an’ny fitantanana seranam-piaramani­dina tsy hampihanaka ny “carbone”. Homena fepetra mitovy ny seranam-piaramanidina rehetra, ka ny tanjona ny ha­ha­­fahana mandrefy ny “carbone” mivoaka.
Natolotra ny Ravinala Air­ports io ACA io, nandray izany ny tompon’andraikitra momba ny tontolo iainana sy ny loza mety hitranga, Razafimaha­tratra Marius, sy ireo mpiara-miasa aminy. Voninahitra ho an’ny firenena sy ny Ravinala Airports ny nahazo izany fankatoavana izany, satria voalohany eto Madagasikara nomena izany ny seranam-piaramanidina Antananarivo sy Nosy Be.
Mifanaraka amin’ny tanjon’ny Ravinala Airports izao fankatoavana azy izao, ho fitaratra sy lohany amin’ny fitantanana seranam-piaramanidina aty amin’ny ranomasimbe Indianina alohan’ny taona 2025 sy andraikitra noraisiny amin’ny alalan’ny RSE* ho fitandroana ny tontolo iainana.
Mitantana ireo seranam-piaramanidina roa ireo ny Ravinala Airports, izay tsy mitsahatra mivoatra eo amin’ ny lafiny fiarovana, fanaja­riana, tontolo iainana, fanatsarana ny tolotra ho an’ireo mpandeha, araka ny fepetra iraisam-pirenena eo amin’ny fiaingana sy fahatongavana.

Ndrina
RSE* : Responsabilité sociétale des entreprises