Nampihoron-koditra! Voasambotry ny miaramila avy ao amin’ny bataillon infanterie Toliara tao Befandriana, omaly, ny lehilahy iray antsoina hoe i Esopa, raindahiny amin’ ny halatra taova. Nandritra ny fisafoana nataon’izy ireo niaraka tamin’ny zandary tao Andranovorindrangataky, kaominina ambanivohitr’i Soahazo, distrikan’i Morombe no nahatrarana azy. Mbola tratra teny aminy ny lohan’ny ankizilahy iray 10 taona antsoina hoe Remiha monina ao Andranovorindrangataky. Nomarihin’ ny zandary fa manana fahasembanana ity ankizy ity. Nikasa handositra ity jiolahy mpangalatra taova ity ka nosamborin’ny fokonolona sady niharan’ny fitsaram-bahoaka. Nentin-katezerana ny olona ka nanampatra ny hatezerana taminy. Vokany, maty tsy tra-drano ity mpangalatra taova ity. Fantatra fa isan’ireo jiolahy efa nokarohina hatry ny ela i Esopa noho izy ao anatina tambajotra mpangalatra taova. Maro ireo olona efa nitondra faisana taminy noho ity trafikana taova ity. Nanamafy ny miaramila fa mitohy hatrany ny fanafoanana ny asan-dahalo indrindra ny fampanjakana ny fandriampahalemana ary ny fiarovana ny vahoaka sy ny fananany. Eo koa ny fiaraha-miasa amin’ireo miaramila rehetra eny an-kianja sy ireo vahoaka antoka hahazoana vokatra tsara toy izao.
Jean Claude
French