Kly Randrianirina Michaël : « Ilaina ny fiaraha-miasan’ny samy Afrikanina»

Nihazo an’i Egypte, omaly, ny filohan’ny Fanavaozana ny Repoblika, ny Kly Randria­nirina Michaël, mivady. Nam­barany teny am-piaingana fa tafiditra amin’ny fiaraha-miasan’ny samy Afrikanina ny fitsidihana. « Mbola mino tanteraka aho fa ny fiaraha-miasa eo amin’ny samy firenena afrikanina no hanavotra ny firenena afrikanina manontolo », hoy izy, teny amin’ny seranam-piaramanidina Ivato. Nan­teriny fa fitsidihana arakasa no hotanterahin’ny delegasionina miaraka aminy. Ho­enti-manamafy ny fiaraha-miasa eo amin’ny samy firenena afrikanina koa. Nambarany fa namaly ny fanasan’ny filoha Ejipsianina, Abdel Fattah Al-Sissi, ny tenany amin’izao diany any an-toerana izao. Hisy ny fifanaovan-tsonia fiarahana miombon’antoka ma­ro­maro eo amin’ny firenena roa tonta,
Etsy andaniny, hanana fandaharam-potoana manokana koa ny vadin’ny filoham-panjakana, Randrianirina Elisa, amin’izao fitsidihana ny firenen’i Faraona izao. Samy nosavaina tahaka ny mahazatra ny entan’ny filoham-panjakana, mivady, nialoha ny nidirany ny fiaramanidina, teny Ivato.
Tsiahivina fa anisan’ny nanamboatra ilay « Lalambe migodana », mianga eto Anta­nanarivo mihazo ny any Toamasina ry zareo Ejipsia­nina, amin’ny alalan’ny orinasa, Samcret. Nihantona ny tetikasa ary efa nilaza ny hanohy ny fanamboarana izany ny fitondrana Fana­vaozana, amin’izao fotoana izao.

Synèse R.