PDS vaovao an’Antsirabe : Laharam-pahamehana ny fandoavana ny karama

Taorian’ny nanendrena an’ Andriatomponera Fidy ho PDS ny fiadidina ny tanàn’ Antsi­rabe, vita omaly, ny fifamindram-pitantanana teo ami­ny sy ny ben’ny Tanàna mpisolo toerana, Rakotondrabe Andrianomanana. Nanatrika izany ny Prefen’Antsirabe mi­adidy ny Faritra Vakinanka­ratra. Teo koa ireo manam-pahefana sivily sy miaramila isan-tsokanjiny ao amin’ny tanànan’Antsirabe ary ireo mpiara-miasa eo anivon’ny kaominina. Nambaran’ny PDS vao voatendry fa anisan’ny laharam-pahamehana ho azy ny famahana ny olana eo amin’ny karaman’ny mpiasa. Ni­tarika hatrany amin’ny fiatoan’ny asa teo anivon’ny kaominina izany. Manaraka izany, ny fanadiovana ny tanàna amin’ireo loto sy fako maro isan-karazany amin’ny fokontany maro ary indrindra ny fa­nafainganana ny tolotra omen’ ny mpiasa. Somary nihisatra izany, telo volana taorian’ny fametraham-pialan’ny ben’ny Tanàna voafidy, nitantanana ity Renivohitry ny faritra Va­kinankaratra ity.
Tsiahivina fa efa notakian’ny mpiasa teo anivon’ny Kaominina Antsirabe efa ha­tra­min’ny ela izao fanendrena PDS izao ary tanteraka izany ny 5 aogositra lasa teo.

Mi.Raz