Niakatra fampanoavana teny anivon’ny fitsarana Anosy ny talen-tsekoly tsy miankina iray, niampy olona efatra mpiray tsikombakomba taminy. Notanana vonjimaika any am-ponja izy ireo, ny faran’ny herinandro teo. Nisy tsy fahatomombanana tsikaritry ny tomponandraikitra miasa eo anivon’ny Oniversite Antananarivo, ny 5 aogositra lasa teo. Vehivavy nikasa hanao fanamarinana dika mitovy amin’ny diplaomany. Tsy hita anefa ny anaran’io vehivavy io. Nanala bakalorea tamin’ny taona 2024 izy, saingy tsy nahomby, araka ny fanadihadiana nataon’ny zandary. Nanao ny fomba rehetra hahazoana ilay diplaoma ny talen-tsekoly nianarany. Niray tsikombakomba tamin’ity farany ny mpiasa eo anivon’ny ofisin’ny bakalorea, mpitantsoratra teo aloha iray sy tale lefitra mitantana andraikitra eo anivon’ny Oniversite. Vokany, olona 11 voasaringotra tamin’ity raharaha ity. Nentina teo anatrehan’ny fampanoavana taorian’ny famotorana. Notanana vonjimaika any am-ponja ilay talen-tsekoly sy olona efatra. Nahazo fahafahana kosa ny olona dimy hafa.
Tsiferana R.
French