Sampana mpamonjy voina : Marolafy ny asa famonjena aina sahanina

Mampahafantatra ny asan’ny mpamonjy voina ny lehiben’izany sampandraharaha iza­ny eto Antananarivo, ao anatin’ny CUA, ny lietna-kly Ralai­vaonoro Eric. Matetika ny fifehezana ny afo no hafantarana ny mpamonjy voina. Anja­ran’izy ireo no miaro ny vahoaka sy ny fananany amin’ireny loza ireny.
Miantsehatra amin’ny fa­monjena olona latsaka an-drano, ny lozam-pifamoivoi­zana, ny fiakaran’ny rano,
aliaka romotra, ny hazo ahina hitera-doza, ny fihotsahan’ny tany, trano mirodana… Rehefa loza mananontanona ny olona na fiarahamonina dia iandraiketan’ny mpamonjy voina.
Manana Casernes 6 ny sampana mpamonjy voina. Ezaka ny hananganana izany eny amin’ny boriborintany fahefatra. Manakaiky ny ta­nàna avokoa ireo mba tsy hiandry ela ny vonjy voina.
Miantsehatra ivelan’Anta­nanarivo Renivohitra ihany koa anefa ny ekipa eto Anta­nanarivo. Misy ny fifanarahana tamin’ny CUA sy ny kaominina manodidina hahafahana mi­asa any. Anisan’izany i Ala­sora, Itaosy, Ivato, Andranona­hoana…
Rehefa tonga ny rivodoza miteraka tondradrano, miara-miasa amin’ny BNGRC ny mpamonjy voina ary miasa hatrany amin’ny faritra manatanteraka ny asa famonjena aina.
118 ny laharana maitso an­tsoina raha misy loza hita eny an-dalana.
Amin’izao fahavaratra izao, tokony asiana gonim-pasika ny tafo marefo. Mila miala amin’ ireo faritra mena tandindomin-doza ireo mponina. Mivonona sahady amin’ny rivodoza…

Tatiana A

Partager sur: