Manakaiky hatrany ny mpanjifa ny MVola. Sambany, nisokatra nanomboka ny 26 mey teo, ny masoivoho manokana eny amin’ny tranobe Kube B Galaxy Andraharo, antsoina hoe PoP MVola. Ahitana ny tolotra rehetra ho an’ny olon-tsotra, ny orinasa, ny mpikirakira ny tolotra MVola, toy ny mpaninjara, ohatra, sns. Ho haingana kokoa ny fikarakarana azy ireo, ny fifanakalozam-bola, ny fanomezana tolon-kevitra, sns.
Miisa telo ny tompon’andraikitra mandray ny mpanjifa eny amin’ny PoP Galaxy Andraharo. Mivoha ny alatsinainy hatramin’ny sabotsy, amin’ny 8 ora hatramin’ny 6 ora hariva tsy ankiato. Masoivoho manokana MVola ity nisokatra ity, ary hitohy hiparitaka any amin’ny faritra hafa.
Nilaza ny tale jeneraly vonjimaika (CEO par interim) ny MVola, Louis Olivier Favot, fa « tanterakay ny mandroso mankany amin’ny fiatiana ara-bola ny mpanjifa. Zava-baovao ho azy ireo ity eto amin’ny Galaxy Andraharo ity. Haingana ny fikarakarana sady azo antoka. Voahaja ny tsiambaratelon’ny mpanjifa tsirairay. Tanjonay ny hananan’ny mpanjifa olotra ara-bola tsotra, eo noho eo ary ho an’ny rehetra ».
Njaka A.
French