Niharan’ny fanolanana teny am-piadrasana vorona ny ankizivavy roa tao Angoja, kaominina Ambatosoratra, distrikan’Ambatondrazaka, ny herinandro lasa teo. Efa-dahy ary nisy tsy ampy taona nanampatra ny filan-dratsiny tamin’ireo roa vavy.Nirahana hiandry omby izy efa-dahy ireo kinanjo tratra namoa-doza.
Dahalo mpangalatra omby roa lavon’ny mpitandro filaminana tao Antsirabe, omaly maraina. Nifampitifitra tamin’ny zandary ireo olon-dratsy. Vokany, rotiky ny bala ny roa. Nitsoaka nandositra ny namany. Mitohy ny hazalambo ataon’ny zandary.
Mpitondra Tuk-tuk iray naratra mafy vokatry ny fifandonana tao Antsahatanteraka, Ambatondrazaka, omaly maraina. Nentina namonjy toeram-pitsaboana ilay mpamily naratra. Tsy nisy aina nafoy. Potika tanteraka ilay fitaovam-pitanterana tra-doza.
Kodiaran-droa kila forehitra tampoka tao Mahabibo Mahajanga, afakomaly. Nanakaiky ny tranon-jiron’ny jirama ny loza. Voafehin’ny manodidina ny afo saingy kila tsy nisy noraisina ilay moto.
French