Hotanterahina rahampitso 15 septambra manomboka amin’ny 4 ora tolakandro, eo amin’ny Zaridainan’Andohalo ny «Afondasin’Andohalo». Hetsika hoenti-mampiroborobo ny haitao ara-tsakafo malagasy. Hanehoana sy hihinanan’ireo izay ho tonga eny an-toerana ny sakafo malagasy. Hianohana ny hira sy ny mozika miaraka amin’i Eric Rason sy Nary & Co. Mpitendry gitara, mpihira, sns, tsy zoviana eo amin’ny tontolon’ny zavakanto. Manana fahaiza-mifehy ny seho atolotra ny mpijery. Manana ilay fahaizana sy fahazarana miaraka anaty seho iray.
Handray anjara sady mpikarakara ny «Afondasin’Andohalo» rahateo ireo mpikirakira momba ny sakafo manana traikefa matanjaka amin’ny nahandro. Anisan’ireny ny Haka Fy Authentic Restaurant, ny Tafo Bozaka, ny Caesar Grill. Samy haneho ny fahaiza-manaony amin’ny nahandro malagasy izy ireo. Samy hitondra ny mampiavaka azy ihany koa.
Marihina fa anisan’ny mikarakara ny «Afondasin’Andohalo» ny kaominina Antananarivo Renivohitra. Ny Iarivo Radio kosa no hanentana ny hetsika.
HaRy Razafindrakoto
French