SOMBIM-BAOVAO

Araka ny vaovao voaray omaly, tafita hiatrika ny fiadiana ny ho tompondaka eran-tany, taranja tenisy ambony latabatra, i Madagasikara. Nahazo ny laharana fahadimy isika nandritra ny fiadiana ny tompondakan’i Afrika, izay atao any Tunisie, ny 11 – 17 septambra. Lavontsika tamin’ny seta 3 no ho 2 i Cameroun.
Mitombo hatrany ireo Malagasy mpilalao baolina kitra lasa any Séychelles. Nalain’ny Lights Stars FC, klioba diviziona voalohany (D1) Sey­chelles, Ramiariniandry Nirina Angericot, Malagasy mpilalaon’ny Mama FC. Tsiahivina fa efa nandalo ekipa maro izy, anisan’izany ny Fosa Juniors sy ny FC Akademia.
Tafiditra anaty fandaharam-pianarana any Méxique ny tantaran’i Cristiano Ronaldo, portiogey mpanjakan’ny baolina kitra. Araka ny vaovao navoakan’ny tambajotran-tserasera, omaly. Ohatra tsara ho an’ny ankizy rehetra ny zava-bitan’ity mpilalao ity sy ny ezaka nataony nahatonga azy malaza toy izao.
Basikety Vétérans. Hiditra amin’ny ampahefa-dalana anio, ny fifaninanana nasionaly,sokajy Vété­rans. Hiatrika izany, sokajy vehivavy, ny La Renais­sance, Mbb, Vpps, Pmbc, Sebc, Club Maman , Fitefa ary Usbb. Ny ekipan’ny B4All, Ajrt, At2b, Coup de Pouce, Sebc, Cbc, Tafaray ary ny Fobb kosa eo amin’ny sokajy lehilahy.