Dimy lahy mpidoroka zava-mahadomelina voasambotry ny zandary Atsimontsena, kaominina Sabotsy Namehana, omaly. Nokarohina ny lehilahy iray voalaza ho mpivarotra rongony. Niafina tany anaty trano fivoahana anefa izy ka tratra. Nosamborina niaraka taminy ny lehilahy efatra mpidoroka.
Telo lahy voasambotry ny mpitandro filaminana tao Betioky Atsimo, omaly. Nikasa hivarotra zaza varira sy voamaso izy telo lahy ireto. Nosamborin’ny zandary avy hatrany taorian’ny fahazoan’ireto farany ny loharanom-baovao. Nahitana voamaso roa nalainy tany Sahanala efa nifono teny amin’ireo telo voasambotra.
Dahalo efa-dahy maty voatifitry ny mpitandro filaminana tao amin’ny tanànan’Ambohidray, Manakana Vohimbohitra, afakomaly. Dahalo am-polony nitam-piadiana nangalatr’omby. Nenjehin’ny fokonolona sy ny zandary izy ireo. Nifanehatra ny mpanara-dia sy ny mpandroba ka raikitra ny fifandonana. Vokany, lavo ny efatra tamin’ireo dahalo.
Lehilahy iray hita faty tao ambany tetezana Andovosira, Mananjary, omaly tolakandro. Hamonjy ny olon-tiany no nialany tao an-trano ny alin’ny alarobia teo. Mpaka trondro no nahatsikaritra ny vatana mangatsiakany. Voamarin’ny mpitsabo nanao fitiliana fa maty an-drano ilay lehilahy.
French