Tanterahina nanomboka ny 21 septambra 2023 hatramin’ny 1 novambra, eny amin’ ny Galerie d’Art Ivokolo Analakely, ny varotra fampirantiana « Madagasikara Maitso ». Jacques Naif sy William Randrianohanana no mpahay kanto mandranty sary eny an-toerana mandritra ireo andro ireo. Ny Ofnac, miaraka amin’ ireo mpahay kanto ireo no mikarakara ny hetsika. Maimaimpoana ary misokatra ho an’ny rehetra ny fampirantiana. Tanjona ny hisarihana ny sain’ny olona sy hanentanana azy ireo hikajy ny tontolo iainana.
Miavaka sy miala kely amin’ ny mahazatra ny ranty eny amin’ny Galerie Ivokolo Analakely. Maneho ny hakanton’ny tontolo iainana sy ny zava-mananaina maro isan-karazany sy manentana ny olona rehetra hikajy sy hikolokolo izany ny asa tanan’i Jacques Naif sy William. Am-polony ireo haikanto maneho ny hakanton’ny tontolo iainana sy mirakitra fanentanana ho amin’ ny fikajiana azy ireo, indrindra ny eto Madagasikara. Arakany nambaran’izy ireo, manana anjara lehibe amin’ny fanabeazana ihany koa ny haikanto. Ireo rehetra ireo no nahatonga ny fampirantiana mitondra ny lohahevitra “Madagasikara Maitso” ho fanehoana ny hakanton’ny Nosy sy ho fanentanana ny olom-pirenena hikajy izany.
Lin
French