fampisehoana “Ô” Théâtre Kala : haneho ny maha izy azy ny Théâtre Kala

Tanterahina eny amin’ny Alliance française d’Antana­na­rivo (Aft Andavamamba), ny Alarobia 6 desambra 2023, ny fampisehoana “Ô”, iarahana amin’ny vondrona mpanao Théâtre Kala . Seho an-tsehatra hanehoana ny dihy manana ny maha izy azy avy any amin’iny faritra atsimon’i Mada­gasikara iny izy ity. Ankoatra ny fampisehoana ny talenta sy fahaiza-manaon’ny ankizy ao anatin’ny Théâtre Kala. Tanjon’ny hetsika ny hampahafantatra ny karazana haikanto, indrindra ny dihy misy eto Madagasikara, ary nomena sehatra manokana ao anatin’izany ny avy any amin’ny faritany.
Fomba fanao zary lasa haikanto manana ny maha izy azy no haseho ao anatin’izany fampisehoana “Ô”, izany. Fihetsi­ka sy fanaon’ny Malagasy vehivavy, any amin’ny faritra atsimon’i Madagasikara, rehefa mandeha mikaroka rano izy ity. Fanaon’ny mponina any amin’iny faritra iny ny manao andiany rehefa mandeha maka rano. Tsy mandeha fotsiny anefa izy ireo amin’izany fa sady mihira no mandihy.
Izany rehetra izany no ho asehon’ny Théâtre Kala amin’ny alalan’ny seho teatraly larona dihy, hanehoan’ny mpikambana eo anivon’ny Théâtre Kala ny maha izy azy avy.

Lin