Saron’ny polisy avy ao amin’ny CSP7 ny roa lahy nitondra taolam-paty tetsy amin’ny fiantsonan’ny taksibrosy Andohatapenaka, afakomaly vao maraina. Avy any Toamasina ireto entana ireto ary nokasain’izy roa lahy amidy efatra hetsy ariary ny kilao. Iraka ihany anefa izy ireo, araka ny famotrana nataon’ny mpitandro filaminana azy. Nokaramain’ny tompon’entana dimy alina avy izy roa lahy ireto. Nahazo fampahafantarana ny polisy fa misy olona hafahafa anatin’ny taksiborosy avy any amin’ny faritra Atsinanana. Vao nigadona teto Antananarivo, nosavaina ny entan’izy mirahalahy ireto. Vokany, hita tao tokoa ny taolam-paty. Mitohy ny fanadihadiana sy ny fikarohana ireo tena tompon’antoka.
Tsiferana R.
French