Hetsika sosialy maro maneho firaisan-kina no hamarika ny volana desambra miaraka amin’ny Orange solidarité Madagascar. Nanomboka ny asa ny fandokoana ny CEG Ambohipo iarahana amin’ireo mpilatsaka an-tsitrapon’ny Orange Madagascar, ny faran’ny herinandro teo. Tafiditra koa amin’ny fanamarihana ny Andro iraisam-pirenena ho an’ny filatsahana an-tsitrapo ny zavatra natao teny an-toerana.
Toy ny fanao isan-taona, hisy koa ny krismasin’ny firaisan-kina ho an’ny ankizy tsaboina eny amin’ny hopitaly ka hisitraka avokoa ny zaza eny anivon’ny tobim-pahasalamana eto Antananarivo.
Ankoatra ny fotoanan’ny krismasy, nosantarina ny taona 2011 niaraka tamin’ny fametrahana ny Orange solidarité sy ny Association humanitaire d’Orange ny hetsika samihafa. Iaraha-miasa amin’ny fikambanana maro, ny tomponandraikitry ny fanatanterahina azy manerana ny faritra rehetra. Miompana amin’ny fanabeazana nomerika, fahasalamana, fampivoarana ny vehivavy sy ny tanora ny ezaka ary manome lanja ny teknolojia vaovao.
Vonjy
French