Misitraka tohana ara-bola avy amin’ny tetikasa Bridge, ny Fikambanana ho an’ny faritra arovana sy ny tontolo mananaina eto Madagasikara (FAPBM). Tetikasa iombonan’ny Fikambanan’ny tahirimbola afrikanina ho an’ny tontolo iainana (CAFE) sy ny tambajotra tahirimbola latina-Amerikianina sy karaibiana (RedLac). Tanjona ny hametrahana fiaraha-miasa stratejika eo amin’ny sehatra tsy miankina sy ny tahirimbola itokisana, toy ny FAPBM. Natao izany, entina hamenoana ny banga amin’ny famatsiam-bola ho an’ny fikajiana sy ny fikolokoloana ny tontolo iainana.
Tsiahivina fa nisy ny antso ho an’ireo fikambanana liana amin’ny tetikasa Bridge. Tafiditra tao anatin’ireo voafantina ny FAPBM, namolavola rafitra ara-bola miavaka, izay manentana ny sehatra tsy miankina hiasa ho an’ny faritra arovana eto Madagasikara. Mitsinjo ny hananganan’ny orinasa tahirimbola manokana io rafitra io, hampiasainy amin’ny hetsika fikoloana sy ny fametrahana famatsiam-bola mifototra amin’ny zava-boahary. Misy ny fidinana an-toerana hanazavana ny tetikasa amin’ireo mponina eny ifotony.
Azon’ny orinasa tsy miankina liana hisitraka ity tetikasa ity ny miditra ao amin’ny adiresy elektronika : https://www. fapbm.org/…/projet-bridge-construire-un…/
Njaka A.
French