Raim-pianakaviana iray namoy ny ainy niharan’ny lozam-pifamoivoizana teny Ambohimahitsy, omaly. Nidona mafy tamin’ny sisin-dalana ny moto nentiny. Voa mafy izy ka nentin’ireo nanatri-maso nihazo ny hopitaly. Tsy tana anefa ny ainy vokatry ny fahaverezan-dra be loatra.
Nihotsaka avokoa ny hazo handrafetan’ny mpiasa ny trano lehibe iray ao Tsaralalana nandritra ny ora-nikija omaly hariva. Tapaka avokoa ny tariby mitondra herinaratra teo amin’ny manodidina. Tsy nisy kosa ny aina nafoy nandritra ny fihotsahana.
Zaza iray maty an-drano teny Anosipatrana, manamorona ny ranon’Ikopa, omaly. Nilalao niaraka tamin’ny namany io zaza io kinanjo nidiran-doza tampoka. Naka ny vatana mangatsiaka ny sampana mpamonjy voina.
Dimy mianadahy mpihaza sokatra voasambotry ny mpitandro filaminana tao Soalala, distrikan’i Toliara II, ny 14 janoary teo. Nahatrarana sokatra miisa 38 teny amin’izy ireo. Efa natolotry ny mpitandro filaminana ny fikambanana miaro io biby ahina ho lany tamingana io ireo sokatra ireo.
French