Votsotra teo am-pelatanan’ireo mpaka an-
keriny ireo takalonaina telo ny 27 janoary tamin’ny 06 ora hariva, tao avaratr’i Tsaramasoandrokely, fokontany Manerinerina, kaominina Ambanivohitra Ambolotarakely, distrikan’Ankazobe. Nahery vaika ny hetsika fampandrian-tany nataon’ny tafika sy ny zandary tao an-toerana ka nahitam-bokany izany.
Naratra ireo mpandeha 13 tao anaty taxi-be 192 nofaohan’ny kamiao tetsy Nanisana, omaly. Nandeha mafy ilay fiara lehibe ka nifatratra tsinahy tamin’ilay taxi-be. Nentina natao fitiliana ny mpandeha 7 tamin’ireo naratra.
Lahiantitra nanolana ny zafikeliny naiditra
am-ponja tao amin’ny fokontany Ambodimahabibo, kaominina Anjiamangirina-Antsohihy, ny faran’ny herinandro teo. Nanamparany ny filan-dratsiny tany an-tanimbary io zaza io ka voamarina taorian’ny fitiliana azy.
Niharan’ny fitsaram-bahoaka ka nentin’ny
polisy natao famotorana ny mpanendaka iray tratra nitondra antsy lavalela tsy lavitra an’Ambolomadinika, Toamasina, afakomaly. Roa ireo olon-dratsy nikasa hanao ny asa ratsiny ka tafandositra ny namany.
French