Hotontosaina any Antsirabe, ny 3 febroary ho avy izao, ny lalao fifanintsanana basikety ho an’ ny ligim-paritra Sava, taranja basikety 3×3, sokajy vehivavy U23. Tsiahivina fa izay tompondaka amin’ity fifaninanana ity no solontenan’io faritra io amin’ny fifaninanan “De la Rue vers l’Or”, hatao eto Antananarivo, ny 16-18 febroary ho avy izao.
Resy indray ny ekipan’ny FC Barcelone ny sabotsy lasa teo, nandritra ny fiadiana ny ho tompondakan’i Espagne “Liga”. Lavon’ny Villa real tamin’ny isa 5 no ho 3 izy ireo. Taorian’io lalao io, nilaza i Xavi, mpanazatra ny Barça fa tsy hanazatra ity klioba ity intsony ny tenany amin’ny taom-pilalaovana manaraka.
Roa volana sisa, hisokatra indray ny “fenêtre Fifa”. Manana vina ny hanasa ekipam-pirenena eoropeanina ny Federasiona malagasin’ny baolina kitra (FMF), amin’ny lalao fanomanana hataon’ny Barea amin’ny volana marsa ho avy izao. Marihina fa raha tsy afaka ireo firenena afrikanina efa nahazo fanasana, izay vao manao izany ny FMF.
French