Raim-pianakaviana iray nitondra moto naratra mafy vokatry ny lozam-pifamoivoizana tetsy Andavamamba, omaly tolakandro. Nandeha mafy kinanjo nifatratra tamina lavaka teo afovoan’ny arabe izy ka nitarika ny loza.
Lehilahy nitsoaka ny fonja tao Maroantsetra, voasambotry ny mpitandro filaminana tao Masoala, kaominina Ampanavoana, distrikan’Antalaha, ny alahady 28 janoary teo. Nifampitadiavana io lehilahy io nanomboka ny 23 janoary ka izao tratra izao.
Lehilahy iray nahatrarana rongony tao anaty fonosana miisa 153 tao amin’ny fokontany sy kaominina Andranofasika, ny 29 janoary teo. Nosavaina tao an-trano fonenany ka noraisim-potsiny niaraka tamin’ireo zava-mahadomelina amidiny ireo izy. Ireo mpianatra sy tanora no tena lasibatry ny fidorohana io rongony io.
Mpanendaka roa lahy saika niharan’ny fitsaram-bahoaka teny Amboanjobe, kaominina Bongatsara, ny 27 janoary teo. Nambanan’izy roa lahy antsy ny vehivavy iray 15 taona handeha hianatra. Hitan’ny manodidina io fihetsika io ka voasambotra izy roa lahy. Nentin’ny mpitandro filaminana natao famotorana taorian’izay.
French