TSELATRA

Naiditra am-ponja eny Tsiafahy, omaly, ilay lehilahy nanolana ankizivavy 14 taona, teny Sabotsy Namehana. Mpifanerasera akaiky tamin’io lehilahy io ilay lasibatra. Nitoriany fitiavana io ankizivavy io saingy nanda hatrany ka nanamparany ny filan-dratsiny.
Renim-pianakaviana iray hita faty tao anaty kirihitra, tao Fandrava, fokontany Mananjary, kaominin’Ibity, distrikan’Antsirabe II, ny alin’ny sabotsy teo. Nandeha naka rano tany amin’ny lavadrano no nialany tao an-trano ny maraina, kinanjo izao niafara ta­min’ny famonoana azy izao.
Vehivavy telo niharan’ny fanolanana, nandritra ny fanafihan-dahalo tao amin’ny fokontany Ambo­hi­tran­draina Anjanamahazo, kaominina Ambohimandry, distrikan’Arivonimamo, ny alin’ny talata 30 janoary 2024, tokony ho tamin’ny 09 ora. Tokantrano miisa efatra nasesin’ireo dahalo.
Nahatrarana rongony ny lehilahy iray nitondra moto tao Mandaniresaka Antsirabe, afakomaly. Avy any Atsimo izy ary nikasa hamarotra ireo rongony ireo. Na­feniny tao anaty harona plastika ireo fonosana rongony.