Ankizivavy 15 taona avotry ny zandary teny am-pelatanan’ny olon-dratsy ao Sarognanala, kaominina Befotaka, distrikan’i Mahabo, ny 1 febroary teo. Nalain’ny dahalo mpaka an-keriny ho takalonaina io vehivavy io. Nanao fanarahan-dia ny fokonolona sy ny zandary ka navotsitr’ireo dahalo nandritra ny fifanenjehana ilay ankizy.
Telo mianadahy mpidoroka sady mpivarotra rongony voasambotry ny mpitandro filaminana tao Ankiakabe, fokontany Madirovalo Bekarara Ambony, ny 31 janoary teo. Nosavaina ny trano fonenan’izy ireo ka sarona tao ny rongony natao tanaty fonosana 108. Nentina natao famotorana izy telo.
Taxi moto iray voaroba ka lasan’ny olon-dratsy ny kodiaran-droa tao Besopaka, kaominina Sambava, omaly. Nosakanan’ny telo lahy ny moto ka nodarohan’izy ireo ny mpitondra izany. Nanao taingin-telo nandositra ireo olon-dratsy taorian’io.
French