Zendana ny mpanaraka ny fiadiana ny ho tompondakan’i Madagasikara, amin’ny baolina kitra vehivavy, omaly alahady teto Antsirabe. Tsy navela hotanterahina tao amin’ny kianja Vélodrome ny fifaninanana, noho ny fisian’ny baolim-pokontany. Manamaivana ny fifaninanam-pirenena izany, araka ny nambaran’ny tomponandraikitry ny federasiona, izay nilaza fa efa nandefasana taratasy ny mpitantana ny tanànan’Antsirabe ny amin’ny fisian’ny fiadiana ny ho tompondakam-pirenena, ho an’ny vehivavy. Nizotra ara-dalàna izany ny zoma nanombohan’ny lalao saingy izao nosakanana izao. Voatery niangavy tao amin’ny kianja Acmil ny federasiona ka ao no hanatontosana izany, hatramin’ny farany.
Fitia (Iraka manokana Antsirabe)
French