Anisan’ny voafidy hananganana tobim-pamokarana herinaratra avy amin’ny rano, iarahana amin-dry zareo indoneziana, ny kaominina Ivony, distrika Ambositra, faritra Amoron’i Mania. Tanteraka izany vokatry ny fiaraha-miasa amin’ny telo tonta, Madagasikara, ny South-South and Triangular Cooperation in Decentralised Renewable Energy (SSTC DRE -Indonezia) ary tohanan’ny Fiaraha-miasa alema GIZ-Perer.
Hatao sonia amin’ny 1 hatramin’ny 4 septambra ho avy izao, any Bali Indonezia, ny fifanarahana eo amin’ny telo tonta. Hatolotra ny 5 jolay izao ny antontan-taratasy irakitra ny antsipiriany. Hiantoka ny fananganana ny tobim-pamokarana ny Gret Madagasikara, miampy ny fitaterana ny tambajotra. Handray an-tanana ny fitaovana « turbine » sy ny kojakoja ary ny fampidirana ny herinaratra ho an’ny mponina ny indoneziana. Nifarana ny 21 jona teo ny iraka nataon’ny delegasion’ny SSTC DRE, nihaonana tamin’ny sekretera jeneralin’ny minisiteran’ny Angovo (MEH), Andriantsoa Thierry.
Njaka A.
French