Maty teo no ho eo ny lehilahy iray voafaokan’ny kamiao lehibe nandalo teo amin’ny RN7, Pk 401 +400 teo Ankapila, fokontany Sendrinalina, kaominina Ialananindro, distrikan’i Lalangina, ny 19 desambra teo. Nahita ity fiarabe nandalo, noheverin’ny mpamily handeha toy ny olona rehetra ilay lehilahy. Kinanjo, nitsambikina tampoka tao ambany kodiarana. Vokany, nandalovan’ny kodiarana aorian’ilay kamiao ny vatan’io lehilahy io. Nahatsikaritra ny zava-nisy, nambaran’ny fokonolona fa tsy salama saina ity niharan-doza ity. Noho ny ratra mafy nahazo azy, teo amin’ny toerana nitrangan’ny loza ihany no namoy ny ainy io lehilahy io. Nogiazana ny kamiaobe, ary natao fanadihadiana ny mpamilin’ny fiara.
Tsiferana R.
French