Vao mangirandratsy, hitan’ny fokonolona teo afovoan’ny arabe anatin’ny lalam-pirenena faha-12 , PK 145 + 200, teo amin’ny fokontany Antanifotsy, kaominina Vohitsindry, distrikan’i Vohipeno, ny fatin-dehilahy nihosin-dra, afakomaly. Olona sendra nandalo tokony ho tamin’ny 06 ora maraina no nampandre ny polisy ao an-toerana. Nidina nanao ny fizahana ny mpitsabo sy ny mpitandro filaminana. Hita tamin’ny vatan’io lehilahy io fa tapaka ny tongony. Tsy nisy akanjo intsony izy. Araka ny fanamarinan’ny mpitsabo hatrany, nahitana menaka fiara mainty ny vatany. Efa tratry ny loza tany amin’ny toeran-kafa io olona io ary nariana teo amin’ity nahitana azy ity, araka ny fanadihadiana nataon’ny tompon’andraikitra. Nanamafy ny fianakavian’ny maty: avy any Mangaiky namonjy Savatse, ity namoy ny ainy ity ny omalin’io nahafaty azy io. Natolotra ireto farany ny vatana mangatsiakany taorian’ny fizahana. Mandray an-tanana ny fanadihadiana kosa ny eo anivon’ny polisim-pirenena any an-toerana.
Tsiferana R.
French