Maitsoahitra : nizara fanampiana teny Avaradrano ny Antenimierandoholona

Nitaraina ny mponina eny Ambohimanga sy ny manodidina amin’ny halafon’ny vidim-bary amin’izao fotoan’ny maitsoahitra izao. Araka ny toromariky ny filoha Rajoelina, namaly izany ny filohan’ny Antenimie­ran­doholona, Razafimahefa He­rimanana sy ny mpanolotsaina manokan’ny filoha, ny Jly Ravalomanana Richard, nanome fanampiana ny 2 avrily teo. Notolorana vary 20 gony tsirairay avy ny fi­angonana FJKM miisa telo (Amboara Ambohimanga, An­dakana Ambohimanga ary Imeritsiafindra Filadelfia Ambohimanga).
Ankoatra izany, misy ny ezaka fanitarana ny FJKM Andakana, ka nomena fa­nampiana ara-bola hanohanana izany. Nahazo fanampiana ara-bola koa ny FJKM Imerintsiafindra hametrahana jiro mandeha amin’ny herin’ny masoandro.
Manampy ireo, niaraka niombom-bavaka teny amin’ny FJKM Manandriana Ava­radrano ny filohan’ny Ante­nimierandoholona. Notolo­rana vary 20 gony toy iretsy voatanisa etsy ambony koa ny mpino eny an-toerana.

Njaka A.