Nanaovana andrana sy fanehoana ny tetikasa Fyvary ny lemak’i Volidina, fokontany Antsahatanteraka, kaominina Ankadinondry Sakay, distrika Tsiroanomandidy. Nampiasana masomboly Fyvary 85 sy Fyvary 32 ny velaran-tany maherin’ny 20 Ha sady natao vala tahaka ny nanaovana ny teknika papriz. Natao izao hanatsarana ny voka-bary eo an-toerana sy ho fiaraha-miasa amin’ny tetikasa. Taorian’izay nahazo taham-bokatra 5t/ha ny tantsaha. Niroborobo ny vokatra sady kely kokoa ny masonkarena sy fandaniana amin’ny famokarana an’ity karazam-bary vaovao ity. Kely ny fatran’ny masomboly ampiasaina sady tsy voatery hampiasana zezika betsaka. Fantatra fa karazam-bary vaovao ity masomboly ity. Voafantina sy voamarina izy. Ary karazam-bary mety amin’ny toetany mafana sy tany tsy dia lonaka na tsy ampy “phosphore”. Fanoitra ihany koa amin’ny fanavaozana ny seha-pamokarana, amin’ny fampiroboroboana ny voka-bary. Ankoatra izay, hanatrarana ny fahavitan-tena ara-bary ny fampiharana ny teknolojian’ny asa fikarohana sy fanarahana ny teknikam-pamokarana isan-karazany ny teknika papriz.
Henintsoa Hani
French