“Hatramin’izao, tsy mbola namoaka ny saram-pirotsahan-kofidina amin’izay maniry ho ben’ny Tanàna na mpanolotsain’ny Tanàna amin’ny fifidianana amin’ny volana novambra ny Ceni”, hoy ny mpikamban’ny antoko Humaniste et écologiste, Rakotoarisoa Dimbiniaina, ny amin’ny fifidianana kaominaly. Andrasana koa ny fanapahan-kevitry ny governemanta ny amin’ny tetiandro amin’izany. Mba tsy ho andro vitsivitsy mialoha ny fifidianana vao havoaka izay saram-pirotsahan-kofidina izay, ka hanano sarotra an’ireo antoko. Midangana hatrany anto-bola avoakan’ny governemanta, ary tsy manaraka ny volavolan-kevitry ny Ceni. Tokony horaisin’ny governemanta an-tanana izany ny fikarakarana fifidianana: izay tiany ihany no ataony, fa tsy raisiny ny tolo-kevitry ny Ceni. Tsy misy antony tsy tokony handraisany ny fikarakarana fifidianana amin’ny alalan’ny minisiteran’ny Atitany. Satria, miainga eo anivon’ny governemanta ny fanapahan-kevitra rehetra. “Tsy fantatra intsony amin’izao izay ilana ny rafitra manokana ho mahaleo tena hikarakara fifidianana”, hoy izy.
R. Nd.
French