Tafiditra ao anatin’ny fampivelarana ny jazz sy ny faha-35 taonan’ny hetsika “Madajazzcar”. Hotanterahina eto Antananarivo ny 30 avrily sy any Antsirabe ny 1 mey izao ny fanamarihana ny « International Jazz Day ». Ho an’Antananarivo, ao amin’ny Le Point d’exclamation Louange Bar Analakely no hanatontosana ny seho, izay hizara roa.
Fizarana voalohany, hanomboka amin’ny 6 ora sy sasany hariva, hiarahana amin’ny Jazzeology, tarihin’i Elie Ramasindraibe. Niaina Razafindraibe Quartet hoentin’i Niaina Razafindraibe. Ny Quartetman tarihin’i Manjaka Rakoto David. Mamory Jazz Band hoentin’i Hasina Rakotoarimalala.
Fizarana faharoa, hiarahana amin’i Joël Rakotomamonjy fanta-daza amin’ny fahaizany mitendry zavamaneno maro. Tsy handeha irery izy eto fa hifarimbona amin-dry Datita Rabeson, Eric Rakotoary, Andry Rama, Nali Rabarison, Titi Razakamiadana. Handray anjara ao ihany koa i Zara Rajaona.
HaRy Razafindrakoto
French