« Bal des seniors » – Pitou Behoririka. Hamerina kely ny taloha, toy ny tamin’ny andron’ny Salut les copains no tanjona amin’ny hetsika izay hotontosaina ny alarobia 1 mey izao, manomboka amin’ ny 12 ora atoandro. Hanafana ny fotoana ao amin’ity toerana ity ry Jimmy & Co, ka haka endrika fandihizana amin’ny atoandro toy ny taloha izany.
« Aiza ho aiza ilay satan’ny mpanakanto ? ». Isaky ny misy mpanakanto tojo fahasahiranana, indrindra ny tsy fahasalamana sy sanatriavina mitarika fahafatesana toy izao nahalasana an’i Lalie izao, miverina foana izay fanontaniana izay. Efa nizotra amin’ny lalany, saingy ny tsapa dia ireo mpanakanto tena voakasika akaiky koa anefa no tsy rototra mihitsy. Fotoana izao hijerena akaiky izany.
Tontosa ny sabotsy teo, teny amin’ny AFT Andavamamba, ny « Magic Dream, Festival de Magie », niarahana tamin’ny « Magic Squad Madagascar ». Velakevitra, atrikasa, fifaninanana ary fampisehoana no nandravahan’ny tomponandraikitra izany hetsika izany. Tsikaritra fa ireo tanora no tena liana amin’ity tontolon’ny “Magie” ity, raha ny hita teny an-toerana.
Notanterahina teny amin’ny Ivokolo Analakely, ny seho teatra “Mose Lemera”, niarahana tamin’ny Tropy Ilo. Anisan’ny fahombiazana no azon’ny Tropy niantsehatra sy ny mpikarakara. Piesy teatraly mahatsikaiky izy ity, nosoratan-dRatsimbason Pierre Emile ary narindran-dRavaloson Haja an-tsehatra.