« Mikea – Les derniers chasseurs-ceuilleurs de Madagascar, une culture en voie de disparition ». Io no lohatenin’ ilay boky navoakan’i Thierry Cron. Raha hadika tsotsotra, « Mikea – Ireo mpihaza sy mpioty farany ao Madagasikara, kolontsaina andalam-pahaverezana ». Boky maneho ny momba ireo Mikea, izay foko iray anisan’ny miavaka eto Madagasikara, satria mbola mitana ny fomba fototra kanefa efa andalam-pahaverezana izany. Nataon’ny mpanatontosa amin’ny teny malagasy sy frantsay izy ity. Mahatratra 200 pejy ary ahitana sary maro mandravaka azy. Maneho ny andavanandrom-piainan’ireo foko Mikea, ny fomba fihazany sy ny fitsirihany sakafo, ny olana lasa iainany isan’andro, sns, izany. Ny Editions des autres no namoaka ity boky ity.
Ho fanohanana azy ireo, hisy ny hetsika ara-javakanto marolafy, izay mihodidina
amin’ity boky ity. Hatao anio 4 mey ny voalohany, manomboka amin’ny 10 ora, etsy
amin’ny Fondation H. Haka aigampanahy avy amin’ny boky ireo mpanao slam, hifandimby an-tsehatra. Ao amin’ny Café de la Musée kosa ny fihaonana faharoa, ny alakamisy 9 mey, manomboka amin’ny 5 ora sy sasany. Fiaraha-misakafo arahana fampahafantarana sy rangotra ny boky, ka harotsaka manontolo ho an’ireo Mikea ny vola tombony ho azo. Hisokatra ny 7 mey hatramin’ny 29 mey izao kosa ny fampirantiana sary ao amin’ ny IFM Analakely, izay sanganasan’i Thierry Cron ihany. Eo ihany koa ny fampirantiana ireo zavatra hampiasain’ny Mikea andavanandro, izay nangonin’i Jean Claude Vinson, nandritra ny taona maro. Ito farany izay nandalina sy niara-nonina tamin’ireo Mikea mihitsy, ho fiarovana azy ireo sy ny kolontsaina manokana ananany.
Marihina fa hisy fivarotana ny boky avokoa ireo fotoana ireo. Ny vola tombony rehetra dia harotsaka manontolo ho an’ireo Mikea ireo. Noho izay fitoviam-pijery izay no nahatonga ny Telma hanohana ireo hetsika marolafy ireo.
Zo ny Aina
French