Tanterahina anio, eny amin’ ny Oniversite Ankatso, ny hetsika « Repoblika: ho an’ny fanabeazana sy fahalalana ». Hetsika ara-kolontsaina, iarahana amin’ireo mpanakanto miangaly ny gadona Hip Hop, mivondrona ao anatin’ny fikambanana Kolontsaina Mainty. Fampisehoana iarahana amin’ireo mpanakanto, valandresaka arahina adihevitra, iresahana ny lanjan’ny “Hip Hop” no handravaka ity hetsika ity. Tanjon’ny hetsika ny hanentanana ny tanora amin’ny maha zava-dehibe ny fanabeazana sy ny fahafahana anatin’ny demokrasia. Natao mba hanairana ny sain’ ny rehetra ny hetsika, indrindra amin’izao vanim-potoana hanehoana sakantsakana matetika amin’ny fanehoan-kevitra izao.
Mialoha ny fampisehoana lehibe, hisy ny valandresaka arahina adihevitra, iresahana ny lohahevitra “Le Hip Hop à la rescousse de la démocratie ?” (mety ho fanavotana ho an’ny demokrasia ve ny Hip Hop?). Handray anjara amin’izany i Bôlô, Mashmanjaka ary Ratsimba Tahiry, izay samy mpanakanto miangaly ny “Hip Hop”. Eo ihany koa Rakotomanana Andrianjaka, mpampianatra mpikaroka, Damy Govina, mpanao gazety, Hilda Hasinjo, mpisehatra politika ary Andriafanomezana Hailey.
Lin