Notanterahina tetsy amin’ ny minisiteran’ny Raharaham-bahiny (MAE), tetsy Anosy, omaly ny atrikasa momba ny Politika nasionaly ho fampandraisana andraikitra ireo zanaka am-pielezana “Lettre de politique nationale d’engagement de la diaspora – LPNED”. Nivoitra tamin’izany ny fanentanana ireo zanaka am-pielezana mba hiady amin’ny fahantrana ho fampandrosoana ny firenena. Nitarika ny atrikasa nysekretera jeneralin’ny MAE, i Emi-Haulain Kola. Nohamafisiny ny maha zava-dehibe ny atrikasa, vokatry ny fiaraha-miasa mikendry ny hitarihana ny hetsika hanentanana ny Malagasy am-pielezana any ivelany.
“Maro ireo manan-talenta sy manana ny fahaizana rehetra, afaka mitondra ny anjara birikiny, ho amin’ny fampandrosoana sy ny ady amin’ny fahantrana eto amin’ny firenena”, hoy izy.
Nanteriny fa maro ny fanamby manoloana ireo Diaspora. Anisan’izany ny fahaizana miditra anatin’ny fiaraha-monina, any ivelany. Ny fitandroana ny kolontsaina maha Malagasy, ary ny fahasahiranana mifandraika amin’ny
fandefasana vola. Eo koa ny fandraharahana sy ny fampiasam-bola eto Madagasikara. Manolotra rafitra stratejika hanamafisana ny fifandraisana amin’ireo Diaspora ny LNPED. Hahafahana mampiroborobo ny traikefa ananan’ izy ireo ary hanamora ny fandraisan’anjara amin’ny fampandrosoana eo amin’ny toekarena sy sosialy.
Synèse R.
French