Naratra mafy, nentina namonjy toeram-pitsaboana ilay mpitondra moto tra-doza tao Antsohihy, omaly tolakandro. Nikasa hanatitra olona, nandeha mafy ilay moto. Nalalaka rahateo ny lalana ka nanararaotra ny mpitondra azy. Tampoka, tsy nanampo ny fisetrasetran’io mpitondra moto io ny mpamilin’ny fiarakaretsaka. Nifanohi-dalana ny roa tonta. Tsy tafala intsony, nifatratra avy hatrany teo amin’ny lohan’ny fiara ny moto 4 T nentin’ilay lehilahy. Nipitika tamin’ny arabe, naratra ity farany. Tsy nahina ny ainy saingy voatery nentina toeram-pitsaboana noho ny ratra. Potika tanteraka ny lohan’ilay taxi raha toa ka niforitra ny kodiaran’ilay moto. Marihina, miseholany ny trangana lozam-pifamoivoizana anatin’ny andro akaiky fety tahaka izao. Tsy fitandremana kely foana hatrany no miteraka ny loza.
Tsiferana R.
French