Taorian’iny andro fahafito, ady tapakila hiatrehana ny “Mondial 2026”, iny, mipetraka eo amin’ny laharana faharoa, anatin’ny vondrona « I », i Madagasikara. Manana isa 13 isika ary mbola eo aloha i Ghana, izay mihazona ny isa 16. Nahatsara ny toeran’ny Malagasy ny fandresena 2 no ho 0, azony nanoloana ny Centrafrique, sy ny faharesen’i Comores, 3 no ho 0, teo anatrehan-dry zareo malianina. Lasa aorian’ny Malagasy i Mali, isa 12.
Tsiahivina fa raha mahita fandresena amin’ireo lalao ambiny sisa tavela, ka resy indray mandeha i Ghana izay vao azo antoka fa i Madagasikara no solontenan’ny vondrona « I » misy azy. Marihina fa izay laharana voalohany isam-bondrona ihany no mahazo tapakila mivantana miatrika ny fifanintsanana iraisam-pirenena, taranja baolina kitra.
Mbola mandalo lalao sakana kosa ny firenena faharoa tsara indrindra. Ampahafantarina fa i Tchad, Mali ary i Comores sisa no hifanandrina amin’i Madagasikara amin’ity fifanintsanana ity. Ny alatsinainy ho avy izao no hifandona amin’i Tchad ny Barea, ary antenaina fa hitondra fandresena ho an’ny Malagasy izy ireo amin’io fotoana io.
Fitia Randria
French