Nanolotra fitaovam-pianarana ho an’ireo ankizy ao amin’ ny EPP Ambatobe, omaly, ny Filohan’ny Repoblika Malagasy, Rajoelina Andry sy ny Ramatoa vadiny. Ity hetsika ity dia tafiditra amin’ny fanohanana ny mpianatra amin’ izao fidiran’ny taom-pianarana vaovao izao. Tsy izany ihany nefa, fa mpianatra marefo maherin’ny 1 tapitrisa manerana ny Nosy no hahazo fitaovam-pianarana avy amin’ny Fitondram-panjakana, araka ny fanazavana azo teny an-toerana, omaly.
Fampanantenana efa napetraky ny fanjakana ny hanohana sy hanatsara ny fidiran’ ny ankizy an-tsekoly amin’ity taom-pianarana ity. Teo ambany fitarihan-dRamatoa Rajoelina Mialy, kosa, ankizy vavy maherin’ny 180 000 avy amin’ny faritra 16 no niditra maimaimpoana sy hahazo vatsim-pianarana eny amin’ ireo sekoly CEG miankina amin’ny minisiteran’ny Fanabeazam-pirenena.
Nambaran’ny fitondram-panjakana fa hatao laharam-pahamehana hatrany ny fanomezana fanabeazana tsara kalitao sy mendrika ho an’ny zaza malagasy rehetra, ary izay no fototry ny fampandrosoana sy ny hoavin’ny firenena.
Fitia Randria
French