Miandrandra mafy ny hisongadinan’i Hendry Tsiky ny Malagasy maneran-tany. Any Malaisie izy amin’izao fotoana, miatrika ny fifaninanana « Miss Tourism International ». Ho fantatra anio izay hisalotra ity anaram-boninahitra ity, izay hirariana mafy hobatain’i Hendry Tsiky. Efa vonona ny hiatrika ny mpitsara izy, ary ny maha Malagasy no hasongadiny mandritra izany. Ny fitafiana sy taovolo nentim-paharazana malagasy, sns, izay efa nomanina avy taty Madagasikara avokoa. Ao anatin’ny fifaninanana amin’ny fahalalana ankapobeny ny momba ny fizahantany iraisam-pirenena sy ny fizahantany mampiavaka manokana ny firenena niaviana. Manantombo i Hendry Tsiky amin’izany, noho ny fananan’i Madagasikara harena voajanahary sy kolontsaina ary ny tantara manintona mpizahatany vahiny. Mandroso ihany ny laharana misy ny solontenantsika, na mbola tsy tena tsara toerana aza. Misy ny fifidianana izay nandraisan’ny besinimaro anjara, nampiakatra ny laharan’ny solontena malagasy.
Zo ny Aina
French