Mpanolotsaina Ravololomanana Lalatiana: « Aoka hanara-dalàna ny fanapahan-kevitra… »

Nitondra ny heviny momba ny raharaham-pirenena, in­drindra ny eto Antananarivo Renivohitra, ireo mpanolo­tsaina maromaro, mitovy he­vitra amin-dRavololomanana Lalatiana. Nambarany fa mila jerena akaiky ireo olana misy eny anivon’ny fokontany. Ani­san’izany ny amin’ny fikasana hakana fahefana amin’ny fomba tsy ara-dalàna amin’ny fanesorana ireo sefo fokon­tany, eny anivon’ny boriborintany. « Tsy atao anaty fampitahorana na herisetra izany. Na koa fampihorohoroana. Toko­ny hatao ao anatin’ny fanarahan-dalàna avokoa ny fanapahan-kevitra rehetra raisina mba tsy hiteraka korontana », hoy izy ireo, tetsy Analakely, omaly. Nohitsiny ary nanaovany antso avo ny amin’ny tsy tokony hifanenjehana eto intsony. Mian­tso ny hampitsaharana ny va­lifaty politika samihafa ihany koa izy ireo. Aleo tena hapetraka eto amin’ny firenena ny tena fanovana marina, araka ny nambarany hatrany.
Nanteriny fa tokony hoen­tina am-pilaminana ny tanàna manoloana ny resabe amin’ny fametrahana delegasionina (PDS). Tsy te hiditra amin’izany izy ireo. Mpitantana mahay mitsinjo ny fihavanana ary ma­metraka ny fitantanana ara-dalàna ny ankehitriny. « Tsy fahotana ary tsy heloka ny niaraka tamin’ny mpitondra teo aloha. Tahaka izany koa, tsy fahotana na heloka ireo tsy nanao fihetsiketsehana », hoy ihany izy. Nohitsiny fa tsy azo ekena ny fifanenjehana sy fankahalana eto amin’ity Reni­vo­hitra ity.
Notsiahiviny fa velom-panantenana izy ireo raha nitsangana ny tanora amin’ny hanatsarana ny fiainan’ny mpiray tanindrazana sy ny fomba fa­naovana politika. Nankasi­tra­hin’ireto mpanolotsaina ireto izany.

Synèse R.