Miandry ny fikaonandoha tarihin’ny FFKM ny fametrahana ny fototra hiorenan’ny Repoblika vaovao, hoy ny Filoham-panjakana, ny Kolonely Randrianirina Michaël. Mialoha izay anefa, mila fanavaozana maika ny mahakasika ny toe-tsaina sy ny toe-panahy.
Nitafa tamin’ny mpanao gazety halina ny filohan’ny Fanavaozana ny Repoblika, ny Kly Randrianirina Michael. Namafisiny tamin’izany ny fe-potoana, tsy tokony hihoatra ny roa taona ny tetezamita. Fotoana entina mametraka ny fototra iorenan’ny Repoblika andaniny, hanomanana ny fifidianana ankilany. Nohamafisany, araka izany, fa zava-dehibe ny fihaonambem-pirenena izay efa nankininy amin’ny FFKM ny fitarihana izany. Nambaran’ny filoham-panjakana fa zava-dehibe ny fikaonandohan’ny Malagasy tsy ankanavaka. Misokatra amin’ny ankolafin-kery rehetra izany mba hahafahana miroso amin’ny tena fanavaozana.
Ny toe-panahy
Anisan’ny nanamarika ny resaka halina ihany koa, ny fanomezana’ny Filoham-panjakana lanja misimisy kokoa ny famahana ny olana sosialy mahakasika ny vahoaka. Manome volana vitsivitsy izy ahafahan’ny rehetra mitondra ny anjara birikiny. Zava-dehibe, ankoatra ny fifidianana sy ny fametrahana ny rafitra politika ny sosialy sy ny toekarena. Tsy mikely soroka ny fiadidiana ny Fanavaozana ny Repoblika. Mahakasika izany. Manentana ny Malagasy rehetra izy. Miankina amin’ny tsirairay ny fanavaozana, hoy izy, dia ny fanombohana ny fanovana toe-tsaina sy ny toe-panahy.
Fampiharana ny lalàna
Teboka iray, nitondran’ny filoham-panjakana fanamarihana ihany koa ny momba ny fampiharana ny lalàna. Efa miezaka amin’izany ny fitondram-panjakana. Tsy misy valifaty politika izany eto Madagasikara, hoy izy fa fanohizana ny asa nataon’ny fitsarana izany. “Tsy misy ny ambonin’ny lalàna, eny fa na izahay aza”, hoy izy.
Mitsitsy
Marihina fa mbola anatin’ ny fitsitsiana tanteraka i Madagasikara, ankehitriny. Nahena avokoa ny volan’ny minisitera afa-tsy ny fanabeazam-pirenena. Efa jerena manokana ny fangatahan’ny sendika isan-tokony. Miroso tsikelikely ny famahana ny olana.
Mino
French