Nandeha mangingina noho ny fiarovana ny ainy, ahina hisy hifofo, ny filoha, ny Kly Randrianirina Michaël, araka ny nambarany, afakomaly. « Efa fanaon’ ireo filoham-panjakana any Etazonia na Frantsa izany », hoy izy. Nambarany koa fa natao hanasoavana sy hahatsara ny firenena ny diany tany Dubaï. Anisan’ izany ny handefasana tanora miisa 5 000 hiasa any.
Handalo fanadihadiana parlemantera ny fanenjehana an-dRajoelina, araka ny nambaran’ny depiote, Randrianasoloniaiko Siteny. Nanteriny fa tsy mitovy amin’ireo olom-panjakana ambony rehetra mandalo
eo amin’ny Fitsarana avo (HCJ) ny filoha teo aloha. « Mino aho fa tsy hisy depiote hitsipaka ny fankatoavana ny fanenjehana an-dRajoelina », hoy izy.
Namindra fo amin’ny governemanta ny ankamaroan’ireo depiote ka nanome fanalavam-potoana kely, amin’ny fanaraha-maso azy ireo. Anisan’ny naverimberin’ireo solombavambahoaka izany tamin’ny fifanatrehana tao anatin’ny roa andro, teny Tsimbazaza. Nahazo fitokisana izany ny governemanta ka nomena efa-bolana hiasany.
Anisan’ny niompanan’ny fangatahan’ireo depiote ny fanamboaran-dalana, manerana ny distrika sy ny faritra niaviany avy, tamin’ny fifanatrehana tamin’ny governemanta. Anisan’ny niteny momba izany ny depiote Bina, voafidy any amin’ny distrikan’Andramasina, amin’ny hijerena ny lalana telo samihafa, miditra any amin’iny toerana iny.
French