Namoy ny ainy vokatry ny daroka sy vono nataon’ny fokonolona azy, ny lehilahy iray tao amin’ny fokontany Ambondrona, kaominina Mahajanga, omaly maraina. Nanampatra ny hatezerany tamin’io lasibatra io avokoa ny ankamaroan’ireo vatan-dehilahy nanatri-maso ny tranga tao an-toerana. Voalaza fa nangalatra io olona voasambotra io. Tezitra vokatry ny fanjakan’ny tsy fandriampahelamana anefa ny fokonolona. Nitarika tamin’ny fanaovana fitsaram-bahoaka izany. Ankoatra izay, lehilahy iray mpitondra Tuc-Tuc, nodarodarohan’ny fokonolona ka naratra mafy tao Toamasina, afakomaly alina. Nanao hadisoana teny anivon’ny arabe ity mpamily ity, araka ny angom-baovao. Voa mafy vokatry ny vono nahazo azy izy. Marihina fa voararan’ny lalàna ary ahazoana sazy enjana ny fanamparana ny fitsaram-bahoaka eto Madagasikara. Ny mpitandro filaminana irery ihany tomponandraikitra amin’ny fisamborana sy manao famotorana ireo ahina ho mpanao ratsy ary mitondra azy ireny eny anivon’ny fampanoavana mba hotsaraina.
Tsiferana R.
French