Lohan-jaza sy ny tanany hany sisa hitan’ny fokonolona tao anaty harona plastika teny amin’ny fokontany Ankadikely, kaominina Ankadikely Ilafy, distrika Avaradrano, omaly maraina. Notaritarihin’ny alika io harona nisy ilay fatin-jaza vao teraka io ka tavela teo afovoan-dalana, araka ny fiheveran’ireo nanatri-maso. Nampandre avy hatrany ny manam-pahefana ao an-toerana ny fokonolona. Efa nohanin’ny alika ny ampahany tamin’io zaza io. Ny lohany niampy ny tanany hany sisa tavela tao anatin’ilay fonosana. Nanao fanadihadiana avy hatrany ny zandarimaria miasa ao Ankadikely manoloana io tranga io. Tsy fantatra mazava ny reny niteraka nahavita nanary ity zaza ity. Tsiahivina fa fatin-jaza iray hita tao anaty tatatra teny Andraisoro, ny herinandro lasa teo. Vao teraka ihany koa io zaza io. Mirongatra ny tranga fanarian-jaza tato ho ato.
Tsiferana R.
French