Hotanterahina, anio, ao amin’ny Allianz Arena Munich, ny lalao miverina hifanandrinan’ny Bayern Munich, ekipa alemà sy ny Paris Saint Germain (PSG), frantsay. Fihaonana izay tafiditra amin’ny manasa-dalan’ny fiadiana ny ho tompondakan’i Eoropa, “Ligue des Champions 2026”. Mbola manala vela amin’io fihaonana io ny Bayern, satria efa resin’ny PSG, tamin’ny isa 5 no ho 4, ny Bavaroa. Araka ny fikarohana natao, omaly, tsy afaka hilalao i Achraf Hakimi, vodilaharan’ny parizianina, ka tsy maintsy i Warren Zaire Emery, Frantsay mpilalao no hanolo ny toerany. Tsara ny mampahatsiahy fa voa eo amin’ny hozatra i Achraf Hakimi, tamin’ny lalao mandroson’ny ekipa roa tonta, tany Parc de Prince. Mbola ao anatin’ny heriny tsara ihany kosa ry Dembele sy i Doué ary i Barcola, lohalaharana. Hiady mafy kosa ry Olisé, sy Kane, mpilalaon’i Bayern amin’io. Marihina fa raha mandresy amin’ny elanelan’ isa roa ny Bayern, tafita any amin’ny famaranana. Raha amin’ny isa iray kosa, miditra amin’ny fanalavam-potoana ny fihaonana.
F.R
French