“Mijery baolina sy manala azy”! Izay no azo ambara amin’ity hetsika “Coca Cola Ultimate Yas Soccer” ity, izay handefasana ny lalao rehetra amin’ny fiadiana ny amboara maneran-tany maimaimpoana, etsy amin’ny Tana Water Front Ambodivona, manomboka anio. Raha ny fanazavana azo omaly, hisy fahitalavitra lehibe eny an-toerana. Hisy koa toerana telo voatokana handefasana izany mba hahafahan’ireo Malagasy mpankafy baolina kitra miaina mivantana an’ity fifaninanana iraisam-pirenena ity mandritra ny iray volana.
Ankoatra ny fandefasana ny fihaonana amin’ny fahitalavitra, hisy ihany koa ireo karazana fanentanana maro sy fikarakarana lalao toy: ny “Quiz Mondial”,… hataon’ny mpikarakara ho an’ireo mpijery izay ho tonga eny an-toerana.
Raha ho an’ny anio, efa hisy sahady ny lalao hihaonan’i Meksika sy i Afrika Atsimo, izay ho alefa mivantana eny Ambodivona. Marihina fa amin’ny 10 ora alina, ora eto an-toerana, no hanomboka io fifanandrinana io. Ampahafantarina ihany fa hifarana ny alahady 19 jolay ho avy izao, ny fifaninanana “Mondial 2026”, izay tanterahina any Etazonia, Meksika ary Canada.
Fitia Randria
French